शिरोळ नगरपरिषद निवडणूक 2025 : प्रभाग क्रमांक 1 मध्ये ऊच्चशिक्षित डॉ.विजय कोळी मैदानात...



शिरोळ प्रतिनिधी :  लगाम न्यूज नेटवर्क 


शिरोळ नगरपरिषद सार्वत्रिक निवडणूक 2025 साठी प्रभाग क्रमांक 1 नागरिकांचा मागास प्रवर्ग मधून ताराराणी विकास  आघाडीकडून युवा उच्चशिक्षित डॉ. विजय अशोक कोळी मैदानात उतरले आहे. विजय कोळी हे सिव्हिल इंजिनियर असून, त्यांना डॉक्टरेट देखील मिळालेली आहे. अशा प्रकारचा उच्चशिक्षित उमेदवार प्रभाग क्रमांक 1 मध्ये मैदानात उतरल्यामुळे संपूर्ण शिरोळ गावाचे लक्ष त्यांच्याकडे लागले आहे.



विजय कोळी यांना सामाजिक कार्याची लहानपणापासूनच आवड असल्यामुळे, समाजकार्यात नेहमी त्यांचे नाव शिरोळ परिसरात दिसून येत असते. युवकांच्यात ते अतिशय लोकप्रिय असून, त्यांचा या भागात मोठा मित्रपरिवार आहे. शिरोळ पोलीस स्टेशन समोर वाचन कट्टा, गणेश नगर - पुष्पक नगर येथे प्रवाशांना बसण्यासाठी बाकडे, खेळाडूंना कीट वाटप करणे, गरजू विद्यार्थ्यांना शालेय साहित्याची मदत करणे, निराधारांना मदत करणे युवकांना रोजगार संबंधी मार्गदर्शन करणे अशा कामात त्यांचा नेहमीच पुढाकार राहिला आहे.



डॉ. विजय कोळी यांच्याशी बोललो असता ते म्हणाले, " मी स्वतः लहानपणापासूनचं प्रभाग क्रमांक 1 मध्येच राहिलो,वावरलो असून, या भागातील समस्यांची मला जाण आहे. समाजकार्याची मला आवड असून, माझ्या शिक्षणाचा उपयोग मी नेहमी समाजकार्यासाठी करत आलेलो आहे. या भागातील नागरिकांनी जर मला नगरसेवक म्हणून निवडून दिल्यास, प्रभाग क्रमांक 1 चा कायापालट करून दाखवेन, हे माझे येथील नागरिकांना वचन आहे. " त्याचबरोबर विजय कोळी यांनी माझ्यासोबतच नगराध्यक्षांसहीत आमचे संपूर्ण पॅनेल शिरोळचे नागरिक बहुमताने निवडून देतील, असा विश्वास व्यक्त केला.  

Post a Comment

थोडे नवीन जरा जुने