शिरोळ प्रतिनिधी : लगाम न्यूज नेटवर्क
शेतकऱ्यांना रास्त,परवडणारा ऊस दर मिळावा यासाठी दिवस रात्र झटणारे, आंदोलन अंकुश संघटनेचे प्रमुख धनाजी चुडमुंगे यांना आज शिरोळ मध्ये मारहाण करण्यात आली.
दत्त साखर कारखान्याने जाहिर केलेला 3400 दर परवडत नाही. कारखान्याने एफ आर पी एवढाच दर दिलेला आहे. साखर व उपपदार्थांना चांगले दर मिळून देखील शेतकऱ्यांना किमान आधारभूत किंमतच कारखाना देत आहे व नफ्यातील एक रुपयाही देत नाहीत या निषेधार्थ धनाजी चुडमुंगे यांनी आज शिरोळ व परिसरातील शेतकऱ्यांना ऊस तोडी न घेण्याचे आवाहन केलेले होते. त्याचबरोबर ज्या तूरळक शेतकऱ्यांनी ऊस तोडी घेतले आहेत त्या ऊस तोडी रोखण्याचे काम चालू होते.
आज संध्याकाळी सातच्या दरम्यान शिरोळच्या छत्रपती शिवाजी महाराज चौकात दत्त कारखान्याकडे जाणारी वाहने धनाजी चुडमुंगे यांनी रोखण्याचा प्रयत्न केला असता, दत्त कारखाना समर्थकांनी त्यांना मारहाण करण्याचा प्रयत्न केला. तसेच उसाच्या ट्रॅक्टर समोरून फरफटत बाजूला केले. त्याच्या निषेधार्थ शिरोळमधील छत्रपती शिवाजी महाराज चौकात शेकडो शेतकरी जमल्याचे दिसले.
टिप्पणी पोस्ट करा