शिरोळ प्रतिनिधी : लगाम न्यूज नेटवर्क
गेल्या महिनाभरापासून शिरोळ तालुक्यात धगधगत असलेली
ऊस आंदोलनाची आग आज शिरोळ मध्ये भडकली. 3400+100 दत्त कारखान्याने जाहीर करून, ऊस दराचा
तोडगा काढण्याचा प्रयत्न केला. त्याला स्वाभिमानी शेतकरी संघटनेने होकार देत कारखाना
चालू करण्यास परवानगी दिली.
परंतू आपल्या चिवट आंदोलनासाठी
प्रसिद्ध असलेले आंदोलन अंकुश चे धनाजी चुडमुंगे यांनी दर मान्य नाही म्हणत, शेतकर्‍यांना
तोडी न घेण्याचे आवाहन केले होते, तसेच तोडी घेतलेल्या शेतकर्‍यांना तोडी बंद करण्याचे
आवाहन केले होते.
आज 8 नोव्हेंबर रोजी दत्त कारखान्याने
तोडी देत, कारखाना चालू करण्याचा प्रयत्न केला. धनाजी चुडमुंगे व आंदोलन अंकुश
संघटनेच्या कार्यकर्त्यांनी त्या शिरोळच्या घालवाड स्टॉप येथे अडविल्या. यावेळी गणपतरावदादा
पाटील यांचे येणार्‍या निवडणुकीसाठी ईच्छुक असलेले कार्यकर्ते गाड्या सोडविण्यासाठी
आले व धनाजी चुडमुंगे यांच्यावर दादागिरी करत, त्यांना मारहाण करण्याचा प्रयत्न
केला.
हे सर्व बर्‍याच दिवसांपासून
चुपचाप बघत बसलेला शिरोळ मधील युवक परगावातून येवून शिरोळ मधल्या नागरिकाला मारहाण
होताना बघू शकला नाही, शिरोळ मधील युवक एकवटला व बाहेरून आलेल्या कारखाना समर्थकांना
शिरोळ मधून पळवून लावले. यामुळे कारखाना विरोधात शिरोळ मध्ये संतापाची लाट पसरली असून, ऊस भरून
येणार्‍या सर्व गाड्या येथील चौकात अडविल्या जात आहेत. आता यातून दत्त कारखाना कश्याप्रकारे
तोडगा काढणारा हे थोड्याच वेळात समजणार आहे. पोलिसांनी मोठ्या संख्येने येथे फोर्स बोलावून घेतलेली आहे.
टिप्पणी पोस्ट करा