शिरोळ प्रतिनिधी : लगाम न्यूज नेटवर्क
शिरोळ नगरपरिषद सार्वत्रिक निवडणूक 2025 साठीचे मतदान येत्या 2 डिसेंबरला होणार असून, सर्वच आघाडीच्या उमेदवारांचा जोरदार प्रचार चालू आहे. यामध्येच प्रभाग क्रमांक 3 मधील अनुसूचित जाती महिला च्या अपक्ष उमेदवार सौ. संगीता भारत ढाले यांचे नाव आघाडीवर आले आहे. सौ.संगीता ढाले या आंदोलन अंकुश संघटनेचे सक्रिय कार्यकर्ते श्री.भारत ढाले यांच्या पत्नी आहेत. भारत ढाले हे आंदोलन अंकुश संघटनेच्या माध्यमाने शिरोळ तालुक्यात सामाजिक कार्यात नेहमी अग्रेसर असतात. शेतकऱ्यांना उसाचा परवडणारा दर मिळावा, यासाठी ऊस आंदोलनात देखील ते प्रत्येक वर्षी सक्रिय असतात.
प्रभाग क्रमांक तीन मध्ये देखील भारत ढाले यांचा मोठ्या प्रमाणात लोकसंपर्क असून, प्रभागातील समस्यांवर गेल्या कित्येक वर्षांपासून ते आवाज उठवून समस्या सोडविण्याचा प्रयत्न करत आलेले आहेत. त्यांच्याप्रमाणेच सौ. संगीता ढाले यांना देखील समाजकारणाची प्रचंड आवड असून, त्यांच्या प्रभागातील अनेक समस्यांवर त्या आवाज उठवत आलेल्या आहेत. प्रभागातील महिलांमध्ये त्या लोकप्रिय असून, यंदाच्या निवडणुकीत त्यांना महिलांचा मोठ्या प्रमाणात प्रतिसाद मिळत आहे.
सौ.ढाले यांच्याशी बोललो असता त्या म्हणाल्या, प्रभागातील नागरिकांच्या मूलभूत गरजा ज्या की, रस्ते-गटारी-लाईट पूर्ण करण्याचा माझा प्रयत्न राहील. प्रभागातील नागरिकांचे आरोग्य सुरक्षित रहावे यासाठीच्या योजना प्रधान्याने राबविन. त्याचबरोबर कल्लेश्वर तलावाजवळील स्वच्छता व सुशोभीकरणाच्या कामात काळजीपूर्वक लक्ष घालीन. प्रभागातील नागरिकांनी जर मला नगरसेविका म्हणून निवडून दिल्यास, नागरिकांनी एखादी समस्या एक वेळेस सांगितल्यास ती पुन्हा पाच वर्षात कधीही सांगायला लागणार नाही, अशा प्रकारचे मी काम करीन.
टिप्पणी पोस्ट करा