शिरोळ प्रतिनिधी : लगाम न्यूज नेटवर्क
शिरोळ नगरपरिषदेच्या यंदाच्या निवडणुकीत प्रत्येक प्रभागात नवीन युवा चेहरे बघण्यास मिळत आहेत. सर्वच आघाड्यांनी युवकांना निवडणुकीत संधी दिल्याचे चित्र आहे. याप्रमाणे राजश्री शाहू विकास आघाडी कडून प्रभाग क्रमांक 8 नागरिकांचा मागास प्रवर्ग मध्ये सर्वसामान्य शेतकरी कुटुंबातील व दूध व्यवसायासाठी गेल्या कित्येक वर्षांपासून शिरोळ मध्ये प्रसिद्ध असलेल्या कोळी कुटुंबातील अमित गणेश कोळी यांना संधी देण्यात आलेली आहे.
समाजकारण, राजकारण, गणेश उत्सव, नवरात्र उत्सव, ढोल ताशा पथक, लेझीम, आरोग्य शिबिर,रक्तदान शिबिर घेणे असो या सर्वात अमित कोळी हे नाव शिरोळ मध्ये आघाडीवर बघण्यास मिळत असतें. बाल गजराज मंडळाच्या माध्यमाने त्यांनी गणेश उत्सवात सजीव देखाव्यांमध्ये केलेल्या भूमिका लोकप्रिय आहेत. एक मोठा मित्रपरिवार अमित यांच्या पाठीमागे खंबीरपणे उभा असल्याचे बघायला मिळते. शिरोळचे प्रथम लोकनियुक्त नगराध्यक्ष अमरसिंह माने पाटील भैय्या यांचे खंदे समर्थक म्हणून अमित यांची ओळख आहे.
प्रभाग क्रमांक 8 मध्ये देखील अमित यांचा दांडगा लोकसंपर्क असून, त्यांच्या सामाजिक कार्याच्या जोरावर यंदाच्या निवडणुकीत अमित कोळी यांना प्रभागातील नागरिक संधी देतील अशी शक्यता निर्माण झालेली आहे. अमित कोळी यांच्याशी बोललो असता ते म्हणाले, 'गेल्या पाच वर्षात राजश्री शाहू विकास आघाडीने शिरोळ शहराचा सर्वांगीण विकास केला आहे. त्यामुळे जनतेचा आमच्या आघाडीवर विश्वास आहे. येणाऱ्या काळात नागरिकांनी आम्हाला पुन्हा संधी दिल्यास नगरपालिका इमारत, भुयारी गटार, पाणी योजना, घनकचरा व्यवस्थापन हे प्रश्न आम्ही प्राधान्याने सोडवणार आहोत. त्यामुळे प्रभाग क्रमांक आठ मधील नागरिकांनी माझ्यावर विश्वास ठेवून माझ्यासारख्या युवकाला संधी द्यावी.'
टिप्पणी पोस्ट करा