शिरोळ प्रतिनिधी : लगाम न्यूज नेटवर्क
शिरोळ नगरपरिषद सार्वत्रिक निवडणूक 2025 साठी प्रभाग क्रमांक 10 मध्ये संपूर्ण शिरोळ गावाचे लक्ष लागून राहिलेले आहे. या प्रभागातील 4 प्रमुख उमेदवार हे गावडे असल्यामुळे चुरशीची लढत होणार हे मात्र नक्की मानले जात आहे. यामध्येच अपक्ष उमेदवार कृष्णा देशमुख यांनी आपला उमेदवारी अर्ज भरल्यामुळे प्रभाग क्रमांक 10 मधील चुरस आणखीनच वाढलेली दिसत आहे.
सामाजिक कामामध्ये सक्रिय असणाऱ्या कृष्णा देशमुख यांनी यावर्षी च्या निवडणूकीमध्ये अपक्ष उमेदवार म्हणून शड्डू ठोकला आहे. कृष्णा देशमुख यांच्या एंट्रीने सर्वच विरोधी उमेदवारांचे धाबे दणाणल्याची चर्चा शिरोळमध्ये होत आहे. कृष्णा देशमुख हे कला, क्रिडा, सामाजिक क्षेत्रामध्ये अग्रेसर राहून काम करत असतात व एकमेकांच्या सुख- दुःखात नेहमी सहभागी असतात. प्रभाग क्र. 10 मध्ये घराणेशाहीला तर विरोध होत आहेच, त्याचबरोबर काम करणाऱ्याला आम्ही मत देणार अशी जनभावना तयार झाली आहे.
आपलं काम बोलतंय :
कृष्णा देशमुख हे येणाऱ्या निवडणूकीत पोकळ आश्वासन न देता, आजपर्यंत केलेल्या कामाचा लेखा-जोखा घेऊन जनतेच्या दारात मतं मागण्यासाठी जात आहे. अशा पध्दतीच आवाहन सोशल मीडिया वर करून 'आपलं काम बोलतंय' ही टॅगलाईन वापरून केलेल्या कामाचे व्हिडीओ सोशल मीडियावर व्हायरल करत असल्याने आता विरोधी उमेदवारांना देखील त्यांचं काम दाखवावं लागणार हे मात्र निश्चित झालं आहे.
कृष्णा देशमुख हे धनाजी चुडमुंगे यांच्या मार्गदर्शनाखाली अंकुश चळवळीतून तयार होत असलेल नेतृत्व असल्याने त्यांच्याकडे असलेली वक्तृत्व शैली आणि आजपर्यंत केलेल्या काम पाहता सर्वच दिग्गज विरोधी उमेदवारांची कसोटी लागणार आहे. त्यामुळे संपूर्ण शहराच लक्ष प्रभाग क्र. 10 च्या लढतीकडे लागून राहिले आहे.
टिप्पणी पोस्ट करा