शिरोळ प्रतिनिधी : लगाम न्यूज नेटवर्क
शिरोळ नगरपरिषद सार्वत्रिक निवडणूक 2025 साठी शिव शाहू आघाडी प्रणीत यादव पॅनेलच्या नगराध्यक्ष पदाच्या उमेदवार सौ.योगिता सतीश कांबळे हे नाव इतर उमेदवारांच्या तुलनेत नागरिकांच्या प्रथम पसंतीस उतरताना दिसत आहे. नगराध्यक्ष पदाच्या इतर उमेदवारांच्या तुलनेत "सौ.योगिता कांबळे यांचे सामाजिक काम व शिरोळ ग्रामपंचायत ची नगरपरिषद होण्यासाठी त्यांनी केलेला त्याग आम्ही विसरणार नाही, त्यांना या निवडणुकीत नगराध्यक्ष करणार. " अशा भावना नागरिकांतून येताना दिसत आहेत. पैश्याच्या जिवावर 'आमच्याच घरात सगळी पदे पाहिजेत', म्हणणार्यांना शिरोळची जनता यावेळेस थारा लागू देणार नसल्याचे सर्वत्र बोलले जात आहे.
योगिता कांबळे या स्वतः उच्चशिक्षित असून, घरात राजकारणाचा कोणताही वारसा त्यांचा नाही. फक्त त्यांची असलेली समाजसेवेची आवड, महापुराच्या काळात त्यांनी केलेले कार्य असो, किंवा कोरोना आपत्तीच्या काळात त्यांनी गरजूंना मोठ्या प्रमाणात केलेली मदत असो, त्यामुळे शिरोळ भागात सामाजिक कार्यात त्यांचे नाव नेहमी अग्रेसर राहिलेले आहे. गेल्या बऱ्याच वर्षांपासून शिरोळ मधील अंगणवाड्यांना, लहान मुलांना स्वच्छ फिल्टरचे पाणी पुरवण्याचे काम त्यांच्याकडून होत आहे. अंगणवाडीमध्ये टेबल खुर्ची पुरवणे, स्पर्धा परीक्षेसाठी विद्यार्थ्यांना लागणारी आवश्यक पुस्तके पुरवणे यासारखे सामाजिक कार्य त्या स्वखर्चातून नेहमी करत असतात.
त्याचबरोबर महिला सक्षमीकरनावर त्या विशेष लक्ष केंद्रीत करताना दिसतात. महिला बचत गटांच्या माध्यमातून महिलांना रोजगार उपलब्ध करून देणे, होम मिनिस्टर सारखे कार्यक्रम घेवून महिलांना प्रोत्साहन देण्याचा त्यांचा प्रयत्न नेहमी राहिलेला आहे. योगिता कांबळे या निरनिराळे आरोग्य शिबिर देखील प्रत्येक वर्षी घेत असतात. शिबिरात आलेल्या गरजूंना मोफत औषधोपचार उपलब्ध करून देणे, मोफत चष्मा पुरवण्याचे काम त्या करीत असतात. अशा प्रकारच्या त्यांच्या सामाजिक कामामुळे गोरगरिबांना त्यांचा खूप मोठा आधार वाटत आलेला आहे.
टिप्पणी पोस्ट करा