तृप्ती संकपाळ या राष्ट्रीय खेळाडू व अमरसिंह पाटील भैया यांचे निष्ठावान कार्यकर्ते अमित उर्फ बंटी संकपाळ यांच्या सुविद्य पत्नी...
शिरोळ प्रतिनिधी : लगाम न्यूज नेटवर्क
शिरोळ मधील प्रभाग क्रमांक आठ हा सर्वसाधारण महिलेसाठी राखीव झाला आहे. या जागेसाठी अत्यंत चुरशीची लढत होणार हे निश्चित आहे. आपल्यालाचं तिकीट मिळावे यासाठी अनेक जण प्रयत्न करत आहेत.
त्यातच आता कबड्डीचे राष्ट्रीय खेळाडू व अमरसिंह पाटील भैया यांचे निष्ठावान कार्यकर्ते सामाजिक कार्यात नेहमीच अग्रेसर असणारे, श्री.अमित उर्फ बंटी संकपाळ यांच्या सुविद्य पत्नी तृप्ती अमित संकपाळ यांचे नाव आघाडीवर आले आहे. तृप्ती संकपाळ यादेखील उच्चशिक्षित असून, पती श्री. अमित संकपाळ यांच्या पावलावर पाऊल टाकत, त्या त्यांच्या भागात सामाजिक कार्यात नेहमी अग्रेसर असतात.
अमित उर्फ बंटी संकपाळ यांची शिरोळ भागात स्वतःची स्वतंत्र ओळख असून, शिरोळ मधील बाल शिवाजी मंडळचे ते प्रमुख कार्यकर्ते आहेत. त्याचबरोबर अमित हे कबड्डी चे राष्ट्रीय खेळाडू आहेत. कोल्हापूर जिल्ह्याच्या किशोर व कुमार गटाचे प्रशिक्षक असताना, त्यांच्या संघाने राज्यस्तरीय अजिंक्य स्पर्धा देखील जिंकलेल्या आहेत. त्यांच्या मार्गदर्शनाखाली बाल शिवाजी मंडळतर्फे दरवर्षी उन्हाळी प्रशिक्षण शिबीर आयोजित केली जाते. गुरुवर्य आण्णासो गावडे सर व अमरसिंह माने पाटील भैय्या यांच्या मार्गदर्शनाखाली 70 किलो वजनी गटातील भव्य राज्यस्तरीय कबड्डी स्पर्धा देखील त्यांनी यशस्वीरीत्या पार पाडलेल्या आहेत.
शिरोळचे माजी नगराध्यक्ष अमरसिंह माने पाटील भैय्या यांचे अमित संकपाळ हे बर्‍याच वर्षांपासूनचे निष्ठावान कार्यकर्ते आहेत. कोणताही राजकीय,सामाजिक वारसा नसताना पंचक्रोशीत आपले नाव करणार्‍या अमित उर्फ बंटी संकपाळ यांच्या पत्नीला जर यावेळेस प्रभाग क्रमांक ८ मधून तिकीट मिळाल्यास अमित यांची निष्ठा फळाला येणार आहे.
टिप्पणी पोस्ट करा