शिरोळ प्रतिनिधी : लगाम न्यूज नेटवर्क
येथील कन्या विद्या मंदिर नं.2 या शाळेचे नाव बदलून "छत्रपती ताराराणी कन्या विद्या मंदिर, शिरोळ" असे नामांतरण करण्यात आले आहे. जिल्हा परिषदेच्या सर्वसाधारण सभा ठराव क्रमांक 790 अन्वये हा नामांतरण ठराव मंजूर करण्यात आला आहे.
या कन्या विद्यामंदिर नंबर 2 शाळेचे, छत्रपती ताराराणी कन्या विद्या मंदिर, शिरोळ असे नाव बदलण्यात यावे यासाठी गेल्या बऱ्याच दिवसांपासून शिरोळचे सामाजिक कार्यकर्ते, युवा नेते अजिंक्य प्रतापसिंह पाटील हे शिरोळ चे प्रथम लोकनियुक्त नगराध्यक्ष मा. श्री. अमरसिंह माने पाटील यांच्या मार्गदर्शनाखाली पाठपुरावा करीत होते. त्यांच्या मागणीनुसार प्रथम गटशिक्षणाधिकारी पंचायत समिती शिरोळ यांचेकडून जिल्हा परिषदेला मागणी करण्यात आली व जिल्हा परिषदेमध्ये शिक्षणाधिकारी (प्राथमिक) डॉ.मीना शेंडकर मॅडम यांच्याकडे पाठपुरावा करून अजिंक्य पाटील यांनी सदर शाळेचे नाव बदलण्याचा आदेश मंजूर करून आणला आहे.
शिरोळ मध्ये ऐतिहासिक अशा छत्रपती ताराराणींच्या गादीजवळच असलेल्या या कन्या शाळेचे नाव बदलून छत्रपती ताराराणी कन्या विद्या मंदिर करून आणल्याबद्दल श्री. अजिंक्य पाटील यांचे शिरोळ परिसरातून अभिनंदन करण्यात येत आहे.
टिप्पणी पोस्ट करा