शिरोळ प्रतिनिधी : लगाम न्यूज नेटवर्क
शिरोळ तालुक्याचे आमदार राजेंद्र पाटील यड्रावकर यांनी चालवण्यासाठी घेतलेला घोडावत खांडसरी कारखाना परवडणारा दर न देता, तसेच मागील हंगामाचा दुसरा हप्ता न देता दांडगाव्याने चालू केला आहे. या विरोधात आंदोलन अंकुश संघटना गेल्या दोन दिवसांपासून आंदोलन करीत आहे.
आज या कारखान्या विरोधात स्वाभिमानी शेतकरी संघटना देखील मैदानात उतरली आहे. यड्रावकर इंडस्ट्रीजच्या कारखान्याकडे जाणाऱ्या उसाच्या गाड्या स्वाभिमानी शेतकरी संघटनेचे युवा जिल्हाध्यक्ष सचिन शिंदे यांनी अडवल्या आहेत. स्वाभिमानीने आज कोल्हापूर रोड ला तमदलगे जवळ ऊस वाहतूक करणाऱ्या दोन ट्रॅक्टर ना अडवून परत पाठवले आणि वाहन मालकांना समज देण्यात आली.
यावेळी सचिन शिंदे यांच्याशी संपर्क केला असता, ते म्हणाले "ऊस वाहनाच नुकसान करण्याचा आमचा कधीही प्रयत्न नसतो. पण कारखानदारांची बाजू घेऊन ऊस उत्पादकाच्या ताटात माती कालवण्याच्या कृतीत जर सहभागी होणार असाल, तर होणाऱ्या नुकसानीस स्वाभिमानी जबाबदार राहणार नाही."
टिप्पणी पोस्ट करा