आमदार यड्रावकर यांच्या कारखान्या विरोधात दुसऱ्या दिवशीही आंदोलन सुरूच..."आमच्या वर गुन्हे घालून आम्ही गप्प बसू,या भ्रमात आमदारांनी राहू नये." : धनाजी चुडमुंगे

 

कोथळी येथून आलेले उसाचे वाहन आंदोलन अंकुश च्या कार्यकर्त्यांनी परत पाठवले. 

शिरोळ प्रतिनिधी : मंगेश नलावडे

काल सोमवार दि. 27 ऑक्टोबर रोजी आंदोलन अंकुश संघटनेने कारखाना गेट बंद आंदोलन करून शिरोळ चे आमदार यड्रावकर यांनी चालवायला घेतलेला घोडावत कारखाना बंद पाडला होता. संध्याकाळी पोलीस बळ वापरून आंदोलन अंकुश चे धनाजी चुडमुंगे यांच्यासह कार्यकर्त्यावर गुन्हा घालून ताब्यात घेतले होते.

आज सकाळ पासून ऊस वाहतूक ठप्प होती. पण दुपारी कोथळीतील उसाचे वाहन कोल्हापूर बायपास ने घोडावत कारखान्याकडे चालले होते. ते वाहन जैनापूर जवळ आंदोलन अंकुश च्या कार्यकर्त्यांनी अडवले आणि पुन्हा ते वाहन जिथून आले होते तिकडे पाठवले.

यावेळी आंदोलन अंकुश चे प्रमुख धनाजी चुडमुंगे आमदार यड्रावकर यांना इशारा देताना म्हणाले कि, आमच्या वर गुन्हे घालून आम्ही गप्प बसू या भ्रमात आमदारांनी राहू नये. शेतकऱ्यांच्या उसाला परवडणारा दर मिळावा, म्हणून आमचे आंदोलन सुरूच राहणार आहे. असे किती गुन्हे घालायचे ते आमदारांनी घालावेत. जोपर्यंत शेतकऱ्यांना उसाला वाढीव दर मिळणार नाही, तोपर्यंत त्यांचा कारखाना सुरु करून देणार नाही. त्यांच्या कारखाण्याची वाहतूक आम्ही रोखणार.

यावेळी उदगाव मधील बिरू पुजारी,बाळगोंडा पाटील, अण्णा घाटगे, गोमटेश, विजय काडगे, पोपट जलपुरे, हसूर मधील देवेंद्र चौगुले माजी ग्रामपंचायत सदस्य सतीश चौगुले आंदोलनात सहभागी होते.