शिरोळ प्रतिनिधी : लगाम न्यूज नेटवर्क
काल शिरोळ मध्ये आंदोलन अंकुश संघटनेची ८ वी एल्गार सभा शेकडो ऊस उत्पादक शेतकर्‍यांच्या साक्षीने पार पडली. एल्गार सभेत ठरले नुसार आज आंदोलन अंकुश संघटनेचे कार्यकर्ते चिपरीत एकत्र येऊन गेट बंद करून कारखाना बंद पाडला. तत्पूर्वी कार्यकर्त्यांच्याकडून वाटेत कारखान्याकडे येणारे उसाचे वाहन वळवून परत शेताकडे पाठविण्यात आले.
लोकप्रतिनिधी म्हणून तरी निदान आमदार राजेंद्र पाटील यड्रावकर यांनी ऊस दराचा प्रश्न संपेपर्यंत कारखाना बंद ठेवणे आवश्यक असताना, सर्वात पहिला त्यांनीच आपला कारखाना चालू केला आहे. त्यामुळे ऊस हंगामाचा दुसरा हप्ता न देता कारखाना सुरु करणाऱ्या आमदार यड्रावकर यांचा घोडावत खांडसरी कारखाना आज आंदोलन अंकुश संघटनेने गेट बंद करून बंद पाडला.
वाहने अडवन्याच्या प्रकारावर पोलीस आणि आंदोलकात यांच्यात वादावादी झाली. पण आंदोलकानी वाहने परत पाठवून कारखाना जो पर्यंत मागचे पैसे देत नाही, तोपर्यंत गेट बंद आंदोलन सुरूच राहणार असल्याचे धनाजी चुडमुंगे यांनी सांगितले.
यावेळी राकेश जगदाळे, दीपक पाटील, उदय होगले, अमोल गावडे, संभाजी शिंदे, बिरू पुजारी, धनाजी माने, संभाजी निंबाळकर, अनिल हुपरीकर, शिवाजी काळे, बंटी माळी, महादेव गावडे, भारत ढाले, किरण सेवेकरी, मंगेश नलावडे, विजय मोरे, रमेश बेंद्रे व शेतकरी उपस्थित होते.
यावेळी आंदोलन संघटनेचे कार्यकर्ते आंदोलन करीत असताना, शिरोळ चे पोलिस निरीक्षक प्रवीण खानापुरे यांनी दादागिरी करण्याचा प्रयत्न केला. व्हिडिओ शूटिंग करणार्‍या शेतकर्‍याला शिवी दिली. त्याबरोबरच त्याचा मोबाइल देखील काढून घेतला. सार्वजनिक जागेत कुठेही व्हिडिओ करण्यापासून कोणीही अडवू शकत नाही,असे सुप्रीम कोर्टाचे आदेश असताना, हे खानापुरे जर अश्याप्रकारे दादागिरी करण्याचा प्रयत्न करत असतील, तर यांना सुप्रीम कोर्टाचे आदेश मान्य नाहीत काय..? काय आमदारांनी यांना संगितले आहे.. तू आंदोलन मोडून काढ मी आहे तुझ्या मागं...!
टिप्पणी पोस्ट करा