सरकार ग्रुप,दत्तवाड आयोजित आरोग्य शिबीर संपन्न.... उद्या भव्य रक्तदान शिबीराचे आयोजन



दत्तवाड प्रतिनिधी : अचिन हेरवाडे ( लगाम न्यूज नेटवर्क )



आज शनिवार दि. 30/08/2025 रोजी सरकार ग्रुप गणेश उत्सव मंडळ आयोजित, महात्मा जोतीराव फुले योजनेअंतर्गत अकिवाट येथील श्री हॉस्पिटल आणि डॉ. व्ही. एस. पाटील व ग्रामीण रुग्णालय दत्तवाड यांच्या संयुक्त विद्यमाने एक मोठे आरोग्य शिबीर आयोजित करण्यात आले होते. या शिबिरात विविध प्रकारच्या आरोग्य तपासण्या करण्यात आल्या, ज्यामध्ये 54 रुग्णांची तपासणी केली गेली. उच्च रक्तदाब, मधुमेह, हृदयरोग, डोळ्यांची तपासणी, लॅबोरेटरी तपासणी तसेच महात्मा जोतीराव फुले योजनेअंतर्गत विविध आजारांवर आणि ऑपरेशनसाठी मार्गदर्शन करण्यात आले. पुढील उपचार श्री हॉस्पिटलमार्फत करण्यात येणार आहेत.





शिबिराच्या उद्घाटनावेळी युवा अध्यक्ष संजय पाटील, युवा नेते सुरज शिंगे, किरण पोवाडी, आकाश शिंगे, अरुण तराळ, सुशांत वाघे, अल्ताफ अपराध आणि इतर उपस्थित होते. या शिबिरात रुग्णांना आवश्यक उपचार मिळाल्याबद्दल त्यांच्याकडून आभार व्यक्त करण्यात आले.





सरकार ग्रुपतर्फे उद्या 31 ऑगस्ट रोजी रक्तदान शिबीराचे आयोजन : 


उद्या रविवार दिनांक 31 ऑगस्ट रोजी सरकार ग्रुपतर्फे भव्य रक्तदान शिबीर आयोजित करण्यात आले आहे. या रक्तदान शिबीराचे उद्घाटन श्रीमंत श्री. भवानीसिंह घोरपडे सरकार यांच्या हस्ते होणार आहे. रक्तदान शिबीर सरकार ग्रुप गणेशोत्सव मंडपात आयोजित करण्यात आले आहे. या शिबिरात रक्तदान करणाऱ्यांना आकर्षक भेटवस्तू देखील दिली जाणार आहे. जास्तीत जास्त रक्तदान करण्याचे आवाहन सरकार ग्रुप तर्फे करण्यात आले आहे.

Post a Comment

थोडे नवीन जरा जुने