लगाम न्यूज नेटवर्क :
मराठा समाजाला ओबीसी प्रवर्गातून कायमस्वरूपी आरक्षण मिळावे या प्रमुख मागणीसाठी संघर्ष योद्धा मनोज दादा जरांगे पाटील यांनी काल 29 ऑगस्ट पासून मुंबईतील आझाद मैदानावर उपोषण सुरू केले आहे. मनोज दादा जरांगे पाटील यांना पाठिंबा देण्यासाठी राज्यभरातून लाखो मराठा आंदोलन मुंबई मध्ये दाखल झाले आहेत.
उपोषणाचा आजचा दुसरा दिवस, तरीसुद्धा सरकारने अजून या विषयावर कसलाही तोडगा तर काढलेला नाहीच, पण हे आंदोलन मोडीत कसे काढले जाईल याचे मात्र पुरेपूर प्रयत्न सरकारकडून होत आहेत. असा आरोप शिरोळ तालुक्यातील मराठा समाजाचे पदाधिकारी व आंदोलन अंकूश संघटनेचे तालुकाध्यक्ष श्री.नागेश काळे यांनी केला आहे.
नागेश काळे बोलताना म्हणाले की, मनोज दादांना पाठिंबा देण्यासाठी शिरोळ तालुक्यातून आम्ही समाजबांधव मोठ्या संख्येने काल मुंबई मध्ये दाखल झालेलो आहोत. परंतु कालपासून सरकारने आंदोलकांची साध्या पाण्याची देखील सोय केलेली नाही. आंदोलन स्थळी लाईटची व्यवस्था नाही. सार्वजनिक शौचालय यांना कुलूप लावण्यात आलेले आहेत. आसपासच्या परिसरात खाद्यपदार्थ विक्री करणारे एकही दुकान सरकारने उघडून दिलेले नाही. जेणेकरून आंदोलकांना पाण्यासाठी देखील वन वन भटकावे लागेल व कंटाळून आंदोलन माघारी फिरावेत. आंदोलनाच्या स्थळी येणारे सर्व रस्ते शासनाकडून हेतू पुरस्कार बंद करण्यात आले आहेत. आंदोलन स्थळी जाणाऱ्या वाहनांची दिशा बदलण्यात आली.
परंतु या निर्दयी सरकारने कितीही प्रयत्न केले तरी आम्ही मराठा समाज बांधव यावेळेस आरक्षणाचा निर्णय झाल्याशिवाय माघारी फिरणार नाही.
टिप्पणी पोस्ट करा