कुरुंदवाड प्रतिनिधी : नंदकुमार सुतार सर
रक्षाबंधन ह्याचा शब्दशः संस्कृत अर्थ "संरक्षण, बंधन किंवा काळजी" असा होतो. बहीण-भावाचा हा सण, ज्याचा उगम लोक-संस्कृतीमध्ये झाला, त्याला स्थानानुसार वेगवेगळी नावे होती. काही ठिकाणी सलुनो,सिलोनो आणि राकरी असे म्हणले जात होते.
रक्षाबंधन हा बहीण-भावाच्या नात्याला उजाळा देणारा आणि नाते परत घट्टपणे बांधून ठेवणारा सण असून भावा- बहिणीच्या निस्वार्थ आणि पवित्र भावनांचा रक्षाबंधन सण आज उत्साही वातावरणात साजरा करण्यात आला.
श्रावण महिन्यात नागपंचमी नंतर येणारा रक्षाबंधन हा दुसरा सण आहे. रक्षाबंधन हा सण खूप जुना पुरातन काळापासून साजरा करण्यात येतो. या अनोख्या नात्याची रेशीम बंध अधिक घट्ट करण्यासाठी बहीण आपल्या भावाला रंगीबेरंगी राखी विकत घेते. रक्षाबंधना दिवशी राखी बांधण्यासाठी भाऊ कधी येणार म्हणून बहिण रस्त्याकडे डोळे लावून बसलेली असते. रक्षाबंधनाच्या निमित्ताने लांब असलेल्या भाऊ-बहिणीची भेट घेता येते. व त्यानिमित्ताने आपली सुखदुःखे एकमेकांना सांगून मन हलके केले जाते.
आज रक्षाबंधना निमित्त बहिण भावाला राखी बांधते आणि भाऊ त्या एका धाग्याला साक्षी ठेवून आपल्या बहिणीच्या संरक्षणाची हमी घेतो. यानिमित्ताने बहिणीला प्रेमाची आठवण म्हणून भाऊ भेटवस्तू देतो. या दिवशी गोडधड जेवणाची मेजवानी करण्यात येते.
टिप्पणी पोस्ट करा