दत्तवाड प्रतिनिधी : अचिन हेरवाडे
सार्वजनिक गणेशोत्सव 2025 अनुषंगाने कुरुंदवाड पोलीस ठाणे आणि ग्रामपंचायत दत्तवाड यांच्या संयुक्त विद्यमाने गुरुवार दिनांक 07 ऑगस्ट 2025 रोजी सायंकाळी 6.00 वाजता देशभक्त रत्नाप्पाण्णा कुंभार सभागृह, दत्तवाड येथे गणेश मंडळांची नियोजन बैठक आयोजित करण्यात आली होती.
या बैठकीत कुरुंदवाड पोलीस ठाण्याचे पोलीस अधिकारी श्री. नितीन साबळे आणि श्री. यादव यांनी उपस्थित सर्व गणेश मंडळांच्या पदाधिकाऱ्यांना गणेशोत्सवाच्या नियमावलीची माहिती दिली. यामध्ये विशेषतः लेझर शो व डिजे वाजवण्यास बंदी असून, त्याची कडकडीत अंमलबजावणी केली जाणार असल्याचे सांगण्यात आले.
गणेशोत्सव साजरा करण्यासाठी परवानगीसाठी येत्या 12 ऑगस्ट 2025 रोजी कुरुंदवाड पोलीस ठाणे येथे हजर राहण्याचे आवाहन मंडळांना करण्यात आले आहे.
या बैठकीस ग्रामपंचायत सरपंच श्री.चंद्रकांत कांबळे, सदस्य श्री.देवराज पाटील, श्री.राजगोंडा सुळकुडे, श्री.बाबुराव पोवार, श्री.प्रकाश चौगुले, माजी तंटामुक्त अध्यक्ष श्री.सुरेश पाटील, भाजप तालुका उपाध्यक्ष श्री.राजगोंडा पाटील, श्री.सचिन हेमगीरे, श्री.सुरज शिंगे, श्री.कलू पोवाडी,पोलीस पाटील श्री.संजय पाटील आदी मान्यवर तसेच गावातील 27 गणेश मंडळांचे पदाधिकारी मोठ्या संख्येने उपस्थित होते. आभार प्रदर्शन माजी उपसरपंच श्री. संजय पाटील यांनी केले.
टिप्पणी पोस्ट करा