शिरोळ प्रतिनिधी : लगाम न्यूज नेटवर्क
कोल्हापूर जिल्ह्यासह शिरोळ तालुक्यात महापूर आलेला आहे. गेल्या 2 दिवसात जर पावसाने विश्रांती घेतली नसती तर, आज 2019,2021 सारखा महापूर शिरोळ तालुक्यात आला असता हे मात्र नक्की.
दोन दिवसापासून शिरोळ तालुक्यातील अनेक गावातून नागरिकांचे,जनावरानांचे स्थलांतर सुरु आहे. त्यांची सोय कोठे केली आहे...? हेच तालुका प्रशासनाने सांगितले नाही. त्यामुळे भयभीत लोकं कुठे मिळेल त्या ठिकाणी रस्त्यावर थांबून आहेत. जनावरे रस्त्याकडेला बांधली आहेत. त्यांची प्रशासनाने साधी विचारपूस पण केलेली नाही.
आज आंदोलन अंकुश संघटनेकडूनकडून याबाबत प्रशासनाला विचारणा करण्यात आली. अचानक विचारणा करण्यासाठी आलेले अंकुश संघटनेचे कार्यकर्ते व पूरग्रस्त यांनी प्रशासनावर प्रश्नांचा भडिमार केला. हडबडून जागे झालेले अधिकारी एकमेकाकडे बोट दाखवून कोणीच जबाबदारी घ्यायला तयार नाही, म्हणून संघटनेच्या कार्यकर्त्यांनी तहसीलदार यांच्या केबिन मध्येच ठिय्या मांडला.
यावेळी नायब तहसीलदार भिसे यांनी तालुका कृषी अधिकारी ओम जांगळे, पशु संवर्धन अधिकारी प्रकाश देशमुख व कोरे मॅडम यांना पाचारण करून तातडीने मदत करण्यास लावले. शिरोळ तहसीलदार यांनी फोनवरून संध्याकाळ पर्यंत सगळीकडे मदत प्रशासनामार्फत पोहोचवली जाईल. असे आश्वासन दिल्यावर कार्यकर्ते बाहेर पडले.
आंदोलन अंकुश कडून पुरबाधित क्षेत्राचे उद्यापासून तात्काळ पंचनामे करण्याची निवेदणाद्वारे मागणी करण्यात आलेली आहे. यावेळी आंदोलन अंकुश संघटनेचे प्रमुख धनाजी चुडमुंगे,जिल्हा अध्यक्ष दिपक पाटील,जिल्हा उपाध्यक्ष उदय होगले, अक्षय पाटील, प्रमोद बाबर, अमोल माने, महेश जाधव, पपू काळे, पप्पू मुंगळे, उद्धव मगदूम, संजय चौगुले व शेतकरी उपस्थित होते.
आपत्ती व्यवस्थापनचे तालुक्याचे प्रमुख असलेले शिरोळ तहसिलदार अनिलकुमार हेळकर मात्र सुनावणी च्या कामी कोल्हापूर मध्ये आहेत,असे सांगण्यात आले. महापूरासारखी गंभीर आपत्ती शिरोळ तालुक्यात सध्या असून, या आपत्तीत आपल्या कार्यालयात तहसिलदार उपस्थित असणे गरजेचे असताना,कोल्हापूर जिल्ह्यातील आदर्श तहसिलदार म्हणून नुकताच गौरव करण्यात आलेले शिरोळ तहसिलदार मात्र सध्या आपल्या कार्यालयात जास्ती दिसत नाहीत. अशी सर्वत्र चर्चा आहे.
टिप्पणी पोस्ट करा