कुरुंदवाड प्रतिनिधी : नंदकुमार सुतार सर
हरितालिका गौरीच्या पूजेने आज गणेशोत्सवाची खऱ्या अर्थाने सुरुवात झाली. घरोघरी कुमारिका व सुहासिनींंनी हरितालिकेचे व्रत मोठ्या उत्साहाने साजरे केले. गणरायाच्या आगमनाच्या आदल्या दिवशी हरितालिका गौरीचे व्रत केले जाते. कुमारिका व सुवासिनींंनी एकत्र जमून मनोभावे हरितालिका गौरीचे पूजन केले. अनेक ठिकाणी रात्री जागर करून महिलांनी झिम्मा फुगडीचा फेर धरला होता.
गणेशोत्सवाच्या आदल्या दिवशी हरितालिका पूजन असते. महिला सौभाग्यासाठी व मुलींंना चांगला पती मिळावा. यासाठी हरितालिकेचे व्रत करतात. महिला दिवसभर व्रतस्थ राहून रात्री उपवास सोडतात.तर काहीजणी गणेशाची प्रतिष्ठापणा करूनच दुसऱ्या दिवशी उपवास सोडतात.
प्रत्येकाच्या घरी हरितकलिका गौरी पूजन होतेच असे नाही. गल्लीबोळात दोन-तीन घरात पूजन केले जाते. अशा एकाच ठिकाणी भागातील महिला सामुदायिकपणे पूजा करतात. कुरूंदवाड शहरात ज्यांच्या घरी हरितकलीका गौरीची पूजा परंपरेन केली जाते. त्यांच्या घरी आज पूजेसाठी महिला व तरुणींची गर्दी झाली होती. हरितकलिका निमित्ताने मंगल रजपूत, सुवर्णा सुतार, शकुंतला जुगळे, अमृता रजपूत, अशा महमदापूरे, ज्ञानेश्वरी महमदापुरे यांनी गौरीची मनोभावे पूजा केली.
महिलांनी एकत्र येऊन हरितकालिका गौरीच्या मूर्तीपुढे वाळूची महादेवाची पिंड करून त्याला पत्री, दूर्वा आणि गौरीची फुले वाहिली. हरितकलिका गौरीची कथा वाचून आरती करण्यात आली. हरितकालिकेचे व्रत अत्यंत कडक उपवास करूनही केले जाते. अनेक महिलांनी केवळ फळे तसेच रुईच्या पानाने मध चाटून दिवसभर उपवास केला. त्यासाठी रुईची पाने, मध हे देखील बाजारात विक्रीसाठी ठेवण्यात आले होते. गणरायाच्या आगमनानंतर हरितकालिका गौरीचा उपवास संपतो तो पर्यंत व्रतस्थ राहावे लागते. उपवास केलेल्या महिलांनी अनेक ठिकाणी गौरी गीतांनी रात्र जागवली.
टिप्पणी पोस्ट करा