दत्तवाडमध्ये माधुरी हत्तीला परत आणण्यासाठी मुक मोर्चा : ग्रामस्थांचा उत्स्फूर्त सहभाग




 दत्तवाड प्रतिनिधी : अचिन हेरवाडे  



न्याय यंत्रणेच्या आडून नांदणी मठाच्या माधुरी ( महादेवी ) हत्तींनीचे कायदेशीर अपहरण करणार्‍या अंबानी ग्रुपचा जाहीर निषेध ...!!  हत्ती गेली हे दुःख आहे.. पन ती परत येणार हा आमचा निश्चय आहे...!! अश्या आशयाचा फलक घेऊन आज दत्तवाड, ता.शिरोळ येथे नांदणी गावातील लाडकी माधुरी हत्ती परत आणण्यासाठी शांततेत व शिस्तबद्ध असा मुक मोर्चा काढण्यात आला. या मोर्चाचे आयोजन  ग्रामस्थ दत्तवाड, जैन समाज, माधुरी हत्ती प्रेमी, दत्तवाड ग्रामपंचायत संरपच व सर्व सदस्य मंडळींनी केले होते. मोर्चाला ग्रामस्थांचा उत्स्फूर्त प्रतिसाद लाभला.






मोर्चा शांततेत पार पडला असून, मोर्चानंतर ग्रामविकास अधिकारी श्री. संतोष चव्हाण आणि महसूल अधिकारी श्री. मूजावर यांना ग्रामस्थांच्या वतीने निवेदन सादर करण्यात आले. या निवेदनात माधुरी हत्तीला पुन्हा नांदणी गावात आणण्यासाठी आवश्यक त्या उपाययोजना करण्याची मागणी करण्यात आली.








नांदणी ग्रामस्थांसह, आपल्या परिसरातील नागरिकांचे भावनिक नाते असलेल्या माधुरी हत्तीच्या वियोगामुळे परिसरात नाराजीचे वातावरण पसरले आहे. याच पार्श्वभूमीवर हा मोर्चा आयोजित करण्यात आला होता. दत्तवाड गावातील महिला, वृद्ध, युवक, लहान मुले अशा सर्व वयोगटातील नागरिकांनी त्यात भाग घेतला.



ग्रामस्थांनी प्रशासनाकडून सकारात्मक निर्णयाची अपेक्षा व्यक्त केली असून, माधुरी हत्ती परत आल्यावरच परिसरात पुन्हा एकदा आनंदाचे वातावरण निर्माण होईल, असे मोर्चाच्या आयोजकांनी सांगितले. 

Post a Comment

थोडे नवीन जरा जुने