संघर्ष योद्धा मनोजदादा जरांगे पाटील यांच्या उपस्थितीत उद्या गुरुवारी शिरोळ मध्ये जागर घोंगडी बैठक : धनाजी चुडमुंगे

शिरोळ प्रतिनिधी : लगाम न्यूज नेटवर्क 

आपल्या जिवाची पर्वा न करता मराठा आरक्षणासाठी शासनाबरोबर अटीतटीचा लढा लढणारे, अखंड भारत देशात "संघर्ष योद्धा" म्हणून प्रसिद्ध असणारे मा.श्री.मनोजदादा जरांगे पाटील यांनी मराठा आरक्षणासाठी 26 ऑगस्ट पासून मुबंई मध्ये उपोषणास बसण्याचे जाहीर केले आहे. 

या आंदोलनाच्या नियोजनासाठी गुरुवार दिनांक 7 ऑगस्ट 2025  रोजी संध्याकाळी 6 वाजता  शिरोळ मध्ये मनोज दादा यांच्या उपस्थितीत जागर घोंगडी बैठक घेण्यात येणार आहे. ही बैठक छत्रपती शिवाजी महाराज तख्त,शिरोळ येथे आयोजित करण्यात आली आहे. या बैठकीला जास्तीत जास्त लोकांनी उपस्थित रहावे असे आवाहन करण्यात आले आहे.

मराठा आरक्षण लढ्याचा शेवट करायच्या उद्देशाने, राज्यातील मराठा समाजाने 29 ऑगस्ट ला मुबंईला यावे यासाठी, राज्यभर जरांगे पाटील यांनी जागर दौरा काढला आहे. त्या दौऱ्याच्या निमित्ताने ते कोल्हापूर जिल्ह्यातील मराठा बांधवांना मार्गदर्शन करण्यासाठी गुरुवार सायंकाळी शिरोळ मध्ये येणार असल्याचे आंदोलन अंकुश चे प्रमुख धनाजी चुडमुंगे यांनी माध्यमांना सांगितले.