शिरोळ प्रतिनिधी : लगाम न्यूज नेटवर्क
आज 22 जुलै 2025 रोजी मुख्यमंत्री देवेंद्र फडणवीस यांच्या वाढदिवसानिमित्त शिरोळ मध्ये भव्य रक्तदान शिबिराचे आयोजन करण्यात आले होते. मुख्यमंत्री देवेंद्र फडणवीस हे केवळ राजकारणापुरते सिमित न राहता, समाजकार्यालाही प्राधान्य देतात. “समाजासाठी कार्य करणं, हेच माझं खरं वाढदिवसाचं सेलिब्रेशन असावं,” असा संदेश मुख्यमंत्री फडणवीस यांनी दिला असून, त्याच प्रेरणेने या शिबिराचे आयोजन करण्यात आले असल्याची माहिती भाजपाचे मंडल अध्यक्ष महेश देवताळे यांनी दिली.
हे रक्तदान शिबिर शिरोळ येथील नाना कॉम्प्लेक्समध्ये पार पडले. शिबिराचे उद्घाटन शिरोळचे माजी सरपंच शिवाजीराव माने देशमुख यांच्या हस्ते फीत कापून करण्यात आले. यावेळी ते म्हणाले की, “गुरुदत्त शुगरचे चेअरमन माधवराव घाटगे यांच्या मार्गदर्शनाखाली हे शिबिर आयोजित करण्यात आले असून, या उपक्रमाला उत्स्फूर्त प्रतिसाद लाभला आहे. देवेंद्र फडणवीस यांचे कार्य हे महाराष्ट्रातील जनतेस भावणारे असून शासनाच्या योजनांची काटेकोर अंमलबजावणी त्यांच्या नेतृत्वात होत आहे. आगामी निवडणुकांमध्ये याचा निश्चितच प्रभाव दिसून येईल.” असे मनोगत त्यांनी व्यक्त केले.सदर रक्तदान शिबिरास रक्तदात्यांचा उत्स्फूर्थ प्रतिसाद लाभला.
यावेळी माजी तालुकाध्यक्ष मुकुंद गावडे, शिवाजीराव सांगले,संभाजी भोसले,मिलिंद भिडे,पोपट पुजारी, शिवाजी खोंद्रे यांच्यासह भाजपाचे अनेक पदाधिकारी व कार्यकर्ते मोठ्या संख्येने उपस्थित होते. शिबिराला तालुक्यातील नागरिकांनीही भरभरून प्रतिसाद दिला.

टिप्पणी पोस्ट करा