शिरोळ प्रतिनिधी : लगाम न्यूज नेटवर्क
उसाचा परवडणारा दर मिळावा, यासाठी शिरोळ मध्ये पेटलेले ऊस दर आंदोलन पोलिसांकडून आणखीनच भडकवण्याचा प्रयत्न होत आहे. शेतकऱ्यांसाठी दिवस-रात्र झटणारे धनाजी चुडमुंगे यांना जबाब घ्यायचा आहे, असे सांगून शिरोळ पोलिसांनी दुपारी एक वाजल्यापासून ताब्यात घेऊन ठेवल्याचे समजत आहे. आधीच भडकलेले आंदोलन अशाप्रकारे शेतकरी नेत्याला ताब्यात ठेवल्यामुळे आणखीनच भडकण्याची शक्यता आहे.
सर्वसामान्य नागरिकांचे संरक्षण हा मूळ हेतू बाजूला ठेवून शिरोळ पोलीस कारखानदारांचे संरक्षण करत आहेत असा त्यांच्यावर आरोप होत आहे. "धनाजी चुडमुंगे यांनी मात्र परवडणारा दर मिळाल्याशिवाय हे आंदोलन थांबणार नाही, शेतकऱ्यांनी तोपर्यंत थोडा धीर धरावा. आम्ही दर मिळवून देऊ. असे आवाहन शेतकऱ्यांना केले आहे."
शिरोळ पोलीस स्टेशनचे पीआय प्रवीण खानापुरे यांच्याकडून असभ्य भाषेत शिवीगाळ करणे, पत्रकारांच्या वर विनाकारण गुन्हे घालणे, पत्रकारांना अरेरावेची भाषा वापरणे, सार्वजनिक ठिकाणी व्हिडिओ शूटिंग करण्यापासून रोखणे. असे बेकायदेशीर कृत्य वारंवार होत असलेल्या तक्रारी येत आहेत. तरी लवकरच यांची तक्रार पोलीस महासंचालकांच्याकडे होणार असल्याचे समजत आहे.
टिप्पणी पोस्ट करा