शिरोळ प्रतिनिधी : लगाम न्यूज नेटवर्क
साखर कारखान्यांनी जाहीर केलेला 3400 रुपये दर मान्य नाही. यासाठी गेल्या आठवड्यापासून, ऊस उत्पादक शेतकरी आणि संघटनांचे आंदोलन चालू आहे. चालू झालेला दत्त कारखाना बंद करण्याची वेळ आलेली होती. काल 5 नोव्हेंबर रोजी रात्री 9 वाजता दत्त साखर ने 3377 निघत असलेली एफ.आर.पी. अधिक 100 रुपये असा 3477 रुपये दर जाहिर केला आहे. पूर्वी जाहिर केलेला 3400 दर ऊस पाठवल्यावर 15 दिवसात व हंगाम संपल्यावर 77 रुपये असे सांगण्यात आले आहे.
परंतू, "हा जाहीर केलेला दर आम्हाला मान्य नाही. 3477 मध्ये ऊस शेती परवडत नाही. शेतकऱ्यांना हा दर मान्य नसून, शेतकऱ्यांचे समाधान करणारा दराचा तोडगा जोपर्यंत कारखाना काढत नाही. तोपर्यंत कोणीही ऊस तोडी घेऊ नका. आम्ही आत्ताही रस्त्यावर आहोत. ऊस दराचा लढा सुरूच आहे." असे धनाजी चुडमुंगे यांनी आवाहन केले आहे. त्याचबरोबर दत्त कारखान्याकडे येणारी 5-6 वाहने शेतकर्‍यांकडून परत पाठविण्यात आली आहेत.
स्वाभिमानी शेतकरी संघटनेने देखील 3477 दर अमान्य असल्याचे जाहीर केलेले आहे. परंतू शेतकर्‍यांनी देखील ऊसाचा परवडणारा दर मिळवून घेण्यासाठी रस्त्यावर उतरावे. असे आवाहन केले आहे.
टिप्पणी पोस्ट करा