पन्हाळा प्रतिनिधी : नितीन पाटील (लगाम न्यूज नेटवर्क)
निवडणूक ही मतदानाची एक प्रक्रिया आहे. ज्यामध्ये सामान्य जनता ठरवते की संसद, कायदेमंडळ इत्यादी प्रतिनिधी संस्थांमध्ये राष्ट्रासाठी काम करण्यासाठी प्रशासकीय मंडळात कोणाचा समावेश असावा. भारताची लोकशाही ही जगात श्रेष्ठ मानली जाते. लोकशाहीत संविधानाने प्रत्यके १८ वर्षावरील व्यक्तीला मतदानाचा हक्क दिला आहे. या मतदानरुपी ताकदीनेच जनता कोणाला सत्ता द्यायची व कोणाला खाली खेचायचे हे दाखवुन देते. त्यामुळे मत हे अमुल्य आहे. देशाच्या उन्नतीसाठी वैचारिक लोकप्रतिनिधींना निवडून देणे, ही सर्वसामान्य जनतेची जबाबदारी आहे व तो आपला हक्क देखील आहे. त्यामुळे लहानपणापासूनच निवडणुकीचे महत्त्व मुलांना पटवून देणे अत्यंत गरजेचे आहे.
त्यामुळेच मतदान प्रक्रिया, निवडणुक, प्रचारापासुन ते सत्तास्थापन करुन खाते वाटपासह शपथविधी सोहळा म्हणजे काय..? हे सर्व शालेय विद्यार्थ्यांना प्रत्यक्ष अनुभव यावा, यासाठी जोतिर्लिंग पब्लिक स्कुल व विद्यानिकेतन, माले, ता. पन्हाळा या प्रशालेच्या वतीने निवडणुकीची संपुर्ण प्रक्रिया राबवत विधानसभा निवडणुकीची रंगीत तालीम घेण्यात आली. यामुळे विद्यार्थ्यांना मतदानसह निवडणुक प्रक्रिया कशी असते याचा अनुभव मिळाला.
जोतिर्लिंग स्कुल अभ्यास,खेळ यासह इतर उपक्रम राबवत असल्याने, आपले वेगळेपण नेहमीच जपले आहे. त्यानुषंगाने संस्थापक शिवलिंग कळंत्रे व मुख्याध्यापक सविता कळंत्रे यांच्या संकल्पनेतुन ही निवडणुक घेण्यात आली. यामध्ये आचारसंहिता लागु करुन निवडणुकीची घोषणा, अर्ज भरण्यासाठीचा कालावधी, अर्ज माघारीची मुदत, चिन्ह वाटप, उमेदवारी अर्जाची छाननी, प्रचार, प्रत्यक्ष मतदान, मतमोजणी करण्यात आली. यानंतर ज्या आघाडीचे बहुमत आहे. त्या आघाडी प्रमुखाकडुन सत्ता स्थापनेचा दाव्याचे विजयी उमेदवारांचे सह्याचे पत्र राज्यपाल यांना देवुन मुख्यमंत्री, उपमुख्यमंत्री ठरवत इतर खात्यांचे वाटप करण्यात आले.
त्यानंतर मुख्यमंत्र्यांसह मंत्रिमंडळाचा राज्यपाल यांच्या उपस्थितीत शपथविधी समारंभ संपन्न झाला. विशेष म्हणजे महिला आरक्षणनुसार काही जागा या मुलींसाठी राखीव ठेवण्यात आल्या होत्या. यासर्व झालेल्या निवडणुक प्रक्रियेसाठी निवडणुक आयोगासह, मुख्यनिवडणुक अधिकारी, मतमोजणी अधिकारी, मतदान कक्ष अधिकारी यांची देखील नेमणुक करण्यात आली होती.
जोतिर्लिंग स्कुल मध्ये पार पडलेल्या या विधानसभा निवडणुकीच्या धर्तीवर निवडणुकीत महालक्ष्मी आघाडी, ताराराणी आघाडी, संभाजी आघाडी, शाहु आघाडी अशा चार आघाड्या करण्यात आल्या. तर काही अपक्ष उमेदवार देखील निवडणुकीत रिंगणात उभे होते. यामध्ये इयत्ता १ ली ते ५ वी चा एक वर्गप्रतिनिधी, त्यानंतर ६वी, ७ वी, ८ वी, ९ वी, १० वी या वर्गाच्या तुकड्यानुसार प्रत्येक वर्गातुन मतदान घेवुन उमेदवार निवडण्यात आला. यामध्ये ११ जागांपैकी १० जागांवर मानव पाटील इयत्ता १० वी यांच्या नेतृत्वाखाली महालक्ष्मी आघाडीने बहुमत मिळले.तर १ जागा ही ताराराणी आघाडीला मिळाली. यामध्ये इयत्ता सहावीची निवडणुक अतिशय रोमहर्षक झाली,यामध्ये विश्वजीत तांदळे(ताराराणी आघाडी)तर रुद्र माने(महालक्ष्मी आघाडी)या दोघामध्ये समान मते मिळाल्याने चिठ्ठी काढण्यात आली. यामध्ये विश्वजीत तांदळे याला विजयी घोषित करण्यात आले.
विजयी उमेदवार पुढील प्रमाणे-मानव पाटील,आदित्य पाटील,इशांत मोरे,चंद्रेश काकडे,आदित्य खुणे,संग्राम कुंभार,शुभम पाटील,राजवीर शिंदे,विघनेश वाघ,राजवर्धन सपकाळ,सोहम इंगवले,शिवांश कदम(सर्व महालक्ष्मी आघाडी) विश्वजीत तांदळे(तारारणी आघाडी) तर यानंतर एकहाती सत्ता आल्याने महालक्ष्मी आघाडीकडुन इतर आघाड्यांना देखील आपल्या आघाडीस सामील होण्याची आँफर देत स्वीकृत सदस्यांची निवड झाली. यानंतर मंत्रिमंडळाचा विस्तार करुन खाते वाटप झाले.
मानव पाटील-मुख्यमंत्री,(ग्रुह व संरक्षण खाते),रेहान मुल्ला-उपमुख्यमंत्री(तक्रारनिवारण व शिस्त),पायल तांदळे(सास्क्रुतिक व शिक्षण),पल्लवी हुजिरे(पर्यावरण व स्वच्छता मंत्री),किमया कदम(सहल मंत्री)सानवी इंगवले(शिस्त मंत्री मुली),आदित्य.पाटील(वाहतुक मंत्री),शुभम पाटील(क्रीडामंत्री),इशांत मोरे(वस्त्रोउद्याोग),चंद्रेश काकडे (अन्न व पाणीपुरवठा),आदित्य खुणे(उर्जा मंत्री)यानंतर सर्व मंत्रिमंडळाला राज्यपाल म्हणुन सविता कळंत्रे यांनी शपथ दिली.
या मंत्रिमडळंकडुन ज्या-त्या खात्याची जबाबदारी देवुन वर्षभर शाळा चालवुन सरकार कसे चालले जाते.याचे निमित्ताने विद्यार्थ्यांना धडे मिळणार आहे. या सर्व प्रक्रियेसाठी मुख्य निवडणूक निर्णय अधिकारी म्हणून संस्थापक शिवलिंग कळंत्रे यांनी काम पाहिले. तर या संपूर्ण प्रक्रिया यशस्वीपणे पार करण्यासाठी उप मुख्याध्यापक एस एम कांबळे, क्रीडा शक्षक अबिद मोकाशी, डी बी पाटील, के के कांबळे, सतीश रणभिसे, अविनाश माने, मगदूम सर यांच्यासह सर्व शिक्षक शिक्षकेतर कर्मचारी यांनी परिश्रम घेतले. मंत्री),इशांत मोरे(वस्त्रोउद्याोग),चंद्रेश काकडे (अन्न व पाणीपुरवठा),आदित्य खुणे(उर्जा मंत्री)
यानंतर सर्व मंत्रिमंडळाला राज्यपाल म्हणुन सविता कळंत्रे यांनी शपथ दिली. या मंत्रिमडळंकडुन ज्या-त्या खात्याची जबाबदारी देवुन वर्षभर शाळा चालवुन सरकार कसे चालले जाते.याचे निमित्ताने विद्यार्थ्यांना धडे मिळणार आहे. या सर्व प्रक्रियेसाठी मुख्य निवडणूक निर्णय अधिकारी म्हणून संस्थापक शिवलिंग कळंत्रे यांनी काम पाहिले. तर या संपूर्ण प्रक्रिया यशस्वीपणे पार करण्यासाठी उप मुख्याध्यापक एस.एम कांबळे, क्रीडा शक्षक अबिद मोकाशी, डी.बी.पाटील, के.के. कांबळे, सतीश रणभिसे, अविनाश माने, मगदूम सर यांच्यासह सर्व शिक्षक शिक्षकेतर कर्मचारी यांनी परिश्रम घेतले.
टिप्पणी पोस्ट करा