शिरोळ प्रतिनिधी : लगाम न्यूज नेटवर्क
शिरोळ तालुक्यात ऊस आंदोलनाने उग्र स्वरूप धारण केलेले आहे. कुरुंदवाड, मजरेवाडी, बस्तवाड, तेरवाड या गावात अज्ञात शेतकऱ्याकडून उसाची वाहने पेटवण्यात आली असल्याची माहिती समोर येत आहे.
परवडणारा दर कारखान्याकडून दिला जात नाही म्हणून, विविध शेतकरी संघटना सनदशीर मार्गाने आंदोलन करत असतानाच, आंदोलन अंकुश संघटनेचे प्रमुख धनाजी चुडमुंगे यांना कारखाना समर्थकांकडून मारहाण झाल्याने ऊस उत्पादकात प्रचंड रोष आहे. पोलीस यंत्रणा कारखान्यांनाच सहकार्य करत असल्यामुळे शेतकरी संतापला आहे. त्यामुळे शेतकऱ्यांनी गनिमी कावा करून अनेक वाहने पेटवली, तर अनेक वाहनांचे टायर पंक्चर करण्यात आले आहेत.
ऊस आंदोलनाने आणखी उग्र स्वरूप घेण्यापूर्वी कारखान्यांनी चर्चेतून तोडगा काढावा, अशी शेतकरी, वाहनधारकात चर्चा आहे.
मारहाणीच्या निषेधार्थ गावे बंद :
ऊस दरासाठी आंदोलन करीत असताना, आंदोलन अंकुश संघटनेचे प्रमुख धनाजी चुडमुंगे यांना कारखाना समर्थकांकडून मारहाण झाली. तसेच ऊसाला परवडणारा दर मिळवा, या मागणीसाठी आज रविवार दिनांक 02/11/2025 रोजी कुरूंदवाड, अर्जुनवाड, आलास आणि दानोळी ही गावे कडक बंद करण्यात आलेली आहे. कुरूंदवाड शहरातून नगरपालिका, डॉ. बाबासाहेब आंबेडकर चौक, सन्मित्र चौक, नवबाग रोड, जुने एसटी स्टँड परत नगरपालिका अशी मोटर सायकल रॅली काढण्यात निशेध रॅली काढण्यात आली.
टिप्पणी पोस्ट करा