शिरोळ प्रतिनिधी : लगाम न्यूज नेटवर्क
साखर व उपपदार्थांची विक्री करून साखर कारखानदारांनी मोठ्या प्रमाणात नफा मिळवला आहे. त्या नफ्यातील वाटा शेतकऱ्यांना मिळावा व या हंगामात जाणाऱ्या उसाला परवडणारा दर जाहीर करावा या मागणीसाठी, तसेच कारखानदारांच्या दडपशाहीच्या निषेधार्थ आज सोमवार दिनांक 3 नोव्हेंबर रोजी सकाळी ठीक 11 वाजता छत्रपती शिवाजी महाराज चौक, शिरोळ ते तहसीलदार कार्यालय,शिरोळ अश्या भव्य एल्गार महामोर्चाचे आयोजन करण्यात आलेले आहे. या मोर्चाला कोल्हापूर जिल्ह्यातून मोठ्या प्रमाणात ऊस उत्पादक शेतकरी येतील, असे आयोजकांकडून सांगण्यात आलेले आहे.
त्याचबरोबर कारखाना समर्थकांच्याकडून आंदोलन अंकुश संघटनेचे प्रमुख श्री. धनाजी चुडमुंगे यांना मारहाण झाल्याच्या निषेधार्थ व उसाला परवडणारा दर मिळावा या मागणीसाठी आज सोमवार दिनांक 3 नोव्हेंबर रोजी शिरटी, हसूर, कनवाड ही गावे बंद ठेवण्यात आलेली आहेत. सदर बंदला नागरिक व व्यापाऱ्यांकडून उत्स्फूर्थ प्रतिसाद मिळताना दिसत आहे. वरील मागण्यासाठी तालुक्यातील बरीच गावे एकापाठोपाठ एक बंद होत असल्यामुळे, यावर्षी कारखानदारांना ऊसाला परवडणारा दर द्यायला ऊस उत्पादक शेतकरी भाग पाडणार असे चित्र दिसत आहे.
टिप्पणी पोस्ट करा